የልደታ ክፍለ ከተማ ወረዳ 8 ለተከታታይ ጊዜያት ያስመዘገበውን የላቀ እና አርአያነት ያለው አፈጻጸም በመቀጠል፣ በ2018 በጀት ዓመት 1ኛ ደረጃን በመያዝ በከተማችን አዲስ አበባ ደምቆ ወጥቷል። በዚህም ታላቅ ስኬት ለ2ኛ ጊዜ ተከታታይ የመኪና ተሸላሚ ለመሆን በቅቷል! ይህ ስኬት ዝም ብሎ የመጣ ሳይሆን የዕለት ተዕለት የትጋት፣ የቁርጠኝነት እና የህብረት ውጤት ነው። ለአንጸባራቂው ስኬት ባለቤቶች የላቀ ምስጋና ይህ ታሪካዊ ድል እንዲመዘገብ ሌሊትና ቀን ሳይታክቱ ለደከሙት፦ ለተከበሩ የወረዳው ነዋሪዎች፡ ለልማትና ለለውጥ ሁልጊዜም ከጎናችን በመሆን ለምታሳዩት ቀጣይነት ያለው ድጋፍ እና ንቁ ተሳትፎ፣ ለላቀው አመራርና ቁርጠኛ ሰራተኞች፡ ህዝብን በታማኝነት፣ በቅልጥፍና እና በከፍተኛ ተነሳሽነት በማገልገል ለምታሳዩት ድንቅ የስራ ባህል፣ ለባለድርሻ አካላት፡ በየደረጃው ከጎናችን በመቆም ለምታደርጉት ሁለንተናዊ ድጋፍ፣ ልባዊ እና የላቀ ምስጋናችንን እናቀርባለን! ይህ ድል የእናንተ የጋራ የድካም ፍሬ ነው! በከተማችን ከንቲባ የተበረከተ የክብር ምስጋና ሽልማት አመራሩና ሰራተኛው ይበልጥ እንዲነቃቃ፣ የውድድር መንፈስ እንዲሰፍን እና የአገልግሎት አሰጣጥ ጥራት እንዲሻሻል የላቀ ውጤት ላስመዘገቡ ወረዳዎች ይህንን የመሰለ ታላቅ ማበረታቻ ሽልማት ለሚያበረክቱት ለተከበሩ የአዲስ አበባ ከተማ ከንቲባ ስራዎቻቸውን በማድነቅ ከልብ የመነጨ ምስጋናችንን እናቀርባለን። ይህ እውቅና ነገ ከዛሬ ይበልጥ ጠንክረን እንድንሰራ ትልቅ ጉልበት ይሆነናል። የወደፊት ራእያችን ወረዳ 8 ሁልጊዜም የስኬት እና የልማት ተምሳሌት ሆኖ ይቀጥላል። ይህ የ2ኛ ጊዜ የመኪና ሽልማት የመጨረሻችን ሳይሆን፣ ወደ ላቀ የህዝብ አገልግሎት እና የከተማችንን ብልጽግና ወደ ማረጋገጥ የምናደርገውን ጉዞ የሚያፋጥን የነዳጅ ያህል ነው። የጋራ ስራ፣ የጋራ ስኬት! እንኳን ደስ አላችሁ! እንኳን ደስ አለን! አቶ ደረጄ ፈይሳ የልደታ ክ/ከተማ ወረዳ 8 ዋና ሥራ አስፈፃሚ